Vörustjóri fjártækni

Við leitum að drífandi vörustjóra með brennandi áhuga á fjártækni sem skilur hvernig gögn munu knýja framtíð fjármálaþjónustu, til að stýra vöruþróun á fjártæknilausnum okkar. Þetta eru Pei fjármögnun, kröfufjármögnun, kröfukaup og greiðslugátt Greiðslumiðlunar.

Vörustjóri fjártæknilausna ber ábyrgð á vörusýn og vörustefnu fjártæknilausna félagsins, stýrir vöruþróun og á í miklum samskiptum við innri og ytri hagaðila. Hlutverkið gefur tækifæri á að hafa veruleg áhrif á framtíð fyrirtækisins og markaðarins sem það starfar á.

Starfið er á nýju sviði Vöru- og verkefnastýringar og hefur því tækifæri til að móta starf sviðsins, verklag og áherslur. Við bjóðum vinnu í skemmtilegu starfsumhverfi með metnaðarfullu og faglega sterku samstarfsfólki.

Helstu verkefni og ábyrgð

• Skapa fjártæknivörur sem hafa áhrif og stuðla að vexti fyrirtækisins til komandi ára
• Ábyrgð á því að ítra og raungera vörusýn og stefnu til samræmis við langtíma sýn og
  markmið Motus
• Vinna með hagaðilum og viðskiptavinum til að finna tækifæri til virðissköpunar
• Vinna með teymi sérfræðinga, verkefnastjóra, UX hönnuði, hugbúnaðarsviði og öðrum hagaðilum við að skilgreina verkefni til framleiðslu
• Ábyrgð á stýringu og arðsemi fjártæknivara
• Virkur þátttakandi í gerð árlegrar viðskiptaáætlunar fyrirtækisins.

Hæfniskröfur

• Reynsla og þekking á sviði vörustýringar og þróunar á stafrænum lausnum
• Þekking og reynsla á fjármálamarkaði og af lánavörum er kostur
• Verkfræði eða önnur háskólamenntun sem nýtist í starfi
• Færni í greiningu gagna og gagnadrifinni ákvörðunartöku
• Góð hæfni í samskiptum og teymisvinnu
• Leiðtogahæfileikar, frumkvæði og þrautseigja
• Skipulögð og öguð vinnubrögð

Umsóknarfrestur er til og með 31. maí 2022