Vörueigandi innheimtuþjónustu og innlána

Við leitum að metnaðarfullum og drífandi einstaklingi í starf vörueiganda (e. Digital Product Owner) á Viðskiptabankasvið Íslandsbanka. Viðskiptabankinn þjónar litlum og meðalstórum fyrirtækjum sem eru hryggjarstykkið í íslensku efnahagslífi og standa undir kraftmikilli verðmætasköpun í öllum atvinnugreinum.

Helstu verkefni:

• Þróun og mótun innheimtuþjónustu og greiðslumiðlunar sem er hluti af stafrænni vegferð bankans
• Ábyrgð á kerfum og ferlum sem tengjast innheimtuþjónustu og innlánum fyrirtækja
• Stýra og forgangsraða verkefnum vöruteymis
• Þátttaka í stefnumótun og þróun nýrra vara
• Samskipti við aðrar einingar bankans og viðskiptavini

Hæfniskröfur:

• Framúrskarandi samskiptafærni og sjálfstæði í vinnubrögðum
• Mikill eldmóður, metnaður og áhugi
• Menntun sem nýtist í starfi, t.d. verkfræði, viðskiptafræði eða tölvunarfræði
• Þekking á fjármálaumhverfi og hugbúnaðarþróun æskileg
• Reynsla af því að leiða teymi og verkefni

Frekari upplýsingar:

Frekari upplýsingar veita Marteinn Már Guðgeirsson forstöðumaður, marteinn.mar.gudgeirsson@islandsbanki.is, og Guðlaugur Örn Hauksson ráðningarstjóri, gudlaugur.orn.hauksson@islandsbanki.is.

Hjá Íslandsbanka starfa um 750 manns sem hafa ástríðu fyrir árangri og vinna að lausnum fyrir viðskiptavini með fagmennsku að leiðarljósi. Við leggjum áherslu á að skapa virði til framtíðar með traustum rekstri og framúrskarandi þjónustu.