Verkefnastjóri upplýsingatækni

Bláa Lónið 30. Nov 2018 Fullt starf

Við leitum að verkefnastjóra með reynslu til að stýra hugbúnaðarverkefnum með þátttöku sérfræðinga innan upplýsingatæknisviðs Bláa Lónsins ásamt utanaðkomandi samstarfsaðilum hérlendis og erlendis. Um er að ræða ýmis verkefni í þróun hugbúnaðarlausna sem og innleiðing staðlaðra viðskiptalausna í starfsemi fyrirtækisins.

Viðkomandi þarf að búa yfir mikilli leiðtoga- og samskiptahæfni og vera tilbúinn að takast á við spennandi áskoranir. Verkefnastjóri tilheyrir upplýsingatæknisviði.

Ábyrgð og verkefni

• Móta og koma á samræmdu SCRUM verklagi í hugbúnaðarþróun og innleiðingum

• Tryggja að öll verkefni séu afhent á réttum tíma, innan umfangs og kostnaðaráætlunar

• Stýring verk- og upplýsingafunda með hagsmunaaðilum

• Gerð og eftirfylgni verkáætlana

• Gerð, samræming og viðhald á verkefnaskjölum

• Mótun og stýring á innri umbótarverkefnum og fundum

Menntunar- og hæfniskröfur

• Háskólamenntun sem nýtist í starfi

• A.m.k. fimm ára viðeigandi starfsreynsla

• Reynsla í þátttöku ólíkra hugbúnaðarverkefna er skilyrði

• Þekking á Agile og SCRUM hugtökum og aðferðafræði er kostur

• Þekking á Microsoft þróunarumhverfi og hugbúnaðarlausnum er kostur

• Hæfni í samskiptum og miðlun á upplýsingum í töluðu og skrifuðu máli

• Frumkvæði, áreiðanleiki og sjálfstæði í verki


Sækja um starf
Upplýsingar fyrir umsækjendur

Umsóknarfrestur er til og með 7. janúar, 2019.

Nánari upplýsingar veitir Ægir Viktorsson sérfræðingur á mannauðssviði, í síma 420-8800.