Verkefnastjóri hugbúnaðarþróun

Við leitum að verkefnastjóra til að styrkja raðir Þulu á þeirri vegferð að með hagnýtingu framsækinna hugbúnaðarlausna muni viðskiptavinir fyrirtækisins ná fram hagræðingu í rekstri á sama tíma og þeir ná að veita betri þjónustu.
Starfið felur í sér verkefnastýringu og samhæfingu vinnu í dreifðu teymi við þróun yfirgripsmikilla og tæknilega ögrandi hugbúnaðarlausna í fjölþjóðlegu umhverfi.
Æskilegt að viðkomandi starfi á skrifstofu Þulu á Akureyri.

Helstu verkefni og ábyrgð

• Þátttakandi í mótun og þróun hugbúnaðarlausna sem gegna lykilhlutverki við meðhöndlun lyfja á heilbrigðisstofnunum.
• Skipulagning verkefna og áætlanagerð.
• Verkefnastýring og eftirfylgni með stöðu verkefna.
• Dagleg samhæfing vinnu um 10 starfsmanna sem staðsettir eru á Akureyri og erlendis.
• Samskipti við viðskiptavini á Íslandi og erlendis.
• Þátttaka í stöðugum umbótum á verklagi.

Menntunar- og hæfniskröfur

• Háskólamenntun á sviði tölvunarfræði, verkfræði eða sambærileg menntun.
• Menntun á sviði stjórnunar er kostur.
• Marktæk þekking og reynsla af verkefnastjórnun í hugbúnaðarþróun.
• Sjálfstæð vinnubrögð, lausnamiðuð nálgun og færni til að sjá heildarmyndina.
• Framúrskarandi leiðtogi með góða samskiptahæfileika og reynslu í að stýra teymum.
• Þekking á Agile aðferðafræði og reynsla af verkbeiðnakerfinu Jira æskileg.
• Reynsla af vinnu samkvæmt gæðakerfunum ISO 9001 og ISO 27001 er æskileg.
• Góð enskukunnátta er áskilin.

Þula býður fyrsta flokks hugbúnaðarlausnir fyrir heilbrigðisgeirann.
Lausnir Þulu eru þróaðar í nánu samstarfi við kröfuharða viðskiptavini.
Í tæp 20 ár hefur Þula unnið með heilbrigðisstofnunum víða í Evrópu
og þróað með þeim framsæknar lausnir sem gera þeim kleift að ná árangri á sínu sviði.
Hjá Þulu starfa um 40 manns og flestir eru búsettir á Akureyri.

www.thula.is