Verkefnastjóri

Andes og Prógramm leita að öflugum aðila í fjölbreytt starf verkefnastjóra. Viðkomandi þarf að hafa reynslu úr upplýsingatækniumhverfi, geta unnið sjálfstætt og komið verkefnum á leiðarenda.

Andes og Prógramm eru systurfélög sem saman mynda eitt af öflugri hugbúnaðarhúsum landsins. Við trúum því að við getum aukið skilvirkni með sérfræðiþekkingu og vali á réttum verkfærum fyrir hvert og eitt verkefni. Við erum leiðandi í stafrænni umbreytingu og sérsvið okkar eru skýjalausnir, sjálfvirkni, innviðir og flóknari hugbúnaðarlausnir. Vinnustaðurinn er frábær vettvangur fyrir þá sem vilja þróast áfram á sviði upplýsingatækni og taka þátt í krefjandi, skapandi og skemmtilegum verkefnum.

Helstu verkefni og ábyrgð

• Umsjón og stýring á margvíslegum verkefnum
• Ábyrgð á þarfagreiningu, skipulagi og framvindu verkefna
• Forgangsröðun og virðismat verkefna, áætlanagerð og kostnaðareftirlit
• Aðstoða hugbúnaðarteymi með skipulagningu og samvinnu
• Skilningur á þörfum viðskiptavina og áskorana þeirra

Menntunar- og hæfniskröfur

• Menntun sem nýtist í starfi, t.d. verkfræði, verkefnastjórnun eða sambærilegt
• Reynsla úr upplýsingatækniumhverfi
• Áhugi og þekking á hugbúnaðarþróun og viðskiptastýringu
• Framúrskarandi samskiptahæfni og mikil þjónustulund
• Sjálfstæð vinnubrögð, frumkvæði og metnaður til að ná árangri í starfi
• Góð íslensku- og enskukunnátta, bæði í töluðu og rituðu máli