Verkefna og viðskiptastjóri
Við leitum að verkefna- og viðskiptastjóra sem er sjálfstæður í vinnubrögðum og getur leitt mismunandi teymi áfram í fjölbreyttum verkefnum. Við leggjum áherslu á góð og hreinskilin samskipti og hæfni í teymisvinnu.
Viðkomandi kemur til með að vinna að fjölbreyttum þáttum verkefna og mun vinna með vörustjórum, hönnuðum, sérfræðingum í notendaupplifun og forriturum, svo eitthvað sé nefnt. Hlutverk verkefnastjóra er að halda utan um stöðu verkefna hverju sinni og vera í stöðugum samskiptum við samstarfsaðila varðandi þá stöðu og næstu skref. Verkefnastjórar vinna einnig með framkvæmdastjóra að verkefnaskipulagi og uppsetningu teyma.
Helstu verkefni og ábyrgð
Helsta ábyrgð verkefna- og viðskiptastjóra er að sinna samskiptum núverandi og tilvonandi samstarfsaðila Sendiráðsins, halda utan um þeirra verkefni, annast þarfagreiningar og verkáætlanir, og tryggja ánægju okkar samstarfsaðila með því að verkefnum sé skilað á áætluðum tíma með þeim gæðum sem ætlast er til.
• Reynsla af ráðgjöf tengt hugbúnaðarþróun
• Frumkvæði og drifkraftur
• Lausnamiðuð hugsun og fagleg vinnubrögð
• Skipulags – og leiðtogahæfileikar
• Framúrskarandi færni í mannlegum samskiptum og teymisvinnu
Menntunar- og hæfniskröfur
• Stafræn hæfni eða djúpur skilningur á tækni
• Reynsla og þekking á Agile og Scrum hugmyndafræði
• Reynsla af verkefnastjórnun í hugbúnaðarverkefnum
• Lausnamiðuð hugsun og fagleg vinnubrögð
• Önnur reynsla sem getur nýst í starfi
Ef þú hefur áhuga á að starfa í spennandi en krefjandi umhverfi í samstarfi við fjölbreytt og metnaðarfull fyrirtæki og stofnanir þá viljum við heyra frá þér.
Sækja um starf
Vinsamlegast sendið ferilskrá og aðrar upplýsingar á hallo@sendiradid.is fyrir 6. október.