Unix kerfisstjóri

Kerfisstjóri – Háskóli Íslands, Reiknistofnun

Háskóli Íslands óskar eftir að ráða UNIX/Linux kerfisstjóra.

Um er að ræða starf kerfisstjóra hjá Reiknistofnun Háskóla Íslands (http://www.rhi.hi.is/ ).

Í boði er áhugavert og krefjandi starf þar sem sjálfstæði og skipulagshæfileikar fá að njóta sín.
Nýr starfsmaður verður hluti af öflugu kerfisstjórateymi sem þróar fjölbreyttar og sérhæfðar kerfislausnir fyrir háskólasamfélagið.
Reiknistofnun býður góða vinnuaðstöðu við Sturlugötu, gott mötuneyti, jákvætt og gefandi starfsumhverfi.
Starfssvið:
Uppsetning og rekstur Unix/Linux kerfa
Kerfisaðlögun
Skipulagning og vandamálagreining
Rekstur og eftirlit
Þjónusta við notendur
Hæfniskröfur:
Háskólamenntun á sviði raungreina
Haldbær reynsla af rekstri Unix/Linux kerfa
Þekking og skilningur á rekstri stórra tölvukerfa
Jákvætt viðmót og framúrskarandi samskiptahæfileikar
Umsækjandi sé lærdómsfús, góður í hópavinnu og hafi frumkvæði
Umsóknarfrestur er til 6. febrúar 2012.

Laun taka mið af kjarasamningum fjármálaráðherra og hlutaðeigandi stéttarfélags. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá lokum umsóknafrests.

Umsóknir sem greina frá menntun og fyrri störfum skulu sendar á netfangið starfsumsoknir@hi.is eða til starfsmannasviðs Háskóla Íslands, Aðalbyggingu við Suðurgötu, 101 Reykjavík.

Nánari upplýsingar veitir: Magnús Gíslason, deildarstjóri Kerfisdeildar hjá Reiknistofnun Háskóla Íslands. Sími 525 4750, netfang magnus@hi.is .