Umbrot – grafísk miðlun

Skjal þýðingastofa ehf. leitar eftir færum umbrotsmanni í regluleg verkefni með möguleika á fastráðningu. Um er að ræða umbrotsvinnu og uppsetningu fyrir ýmsa miðla, s.s. bæklinga, handbækur á prenti, vefsíður og annað margmiðlunarefni. Hvort sem er í samstarfi við viðskiptavini Skjals eða á eigin spýtur.

Hæfniskröfur

• Umtalsverð þjálfun og reynsla í umbroti og hönnun
• Mjög góð þekking og reynsla af helstu umbrotsforritum
• Þekking og færni í vefuppsetningu
• Góð kunnátta í Office , s.s. Word, PowerPoint og Publisher
• Kunnátta í framsetningu efnis fyrir nýja miðla, s.s. spjaldtölvur og snjallsíma
• Áhugi á að koma að þróun á þessum þjónustuþáttum Skjals
• Frumkvæði og hugmyndaauðgi
• Sjálfstæði í vinnubrögðum
• Geta til að byrja á verkefni með stuttum viðbragðstíma og geta skilað fljótt og vel

Skjal þýðingastofa ehf. er leiðandi fyrirtæki á íslenskum þýðingamarkaði. Við vinnum fyrir fjölda innlendra og erlendra viðskipavina að þýðingum og annarri textavinnu á allskonar efni á ýmsu sniði, allt frá örstuttum auglýsingatexta til ítarlegra handbóka og skjala.