Teymisstjóri í hugbúnaðarþróun

Vörður leitar eftir leiðtoga til að byggja upp öflugt teymi sérfræðinga sem leysir áhugaverð og flókin verkefni og smíðar úthugsaðar hugbúnaðar- og tæknilausnir. Hlutverk teymisins er að þróa nútímalegar hugbúnaðarlausnir sem hafa áhrif á og breyta upplifun viðskiptavina af samskiptum sínum við félagið.

Starfssvið;

• Byggja upp og leiða öflugt teymi hugbúnaðarhönnuða í samvinnu við forstöðumann upplýsingatæknideildar
• Forgangsraða verkefnum inn í teymi og vinna að framgangi þeirra
• Þátttaka í þjálfun og þróun þekkingar innan félagsins
• Innleiða og vinna að umbótum og bestun ferla í tengslum við hugbúnaðargerð
• Þátttaka í þróunarteymum og samvinna við aðrar einingar.
• Forritun á bakendum hinna ýmsu hugbúnaðarlausna félagsins

Menntunar og hæfniskröfur;

• Framúrskarandi samskiptahæfni og jákvætt viðmót
• Frumkvæði og skipulögð vinnubrögð
• Drifkraftur og hæfni í teymis — og verkefnavinnu
• Reynsla af stjórnun eða stýringu teyma eða verkefna er kostur
• Reynsla í hugbúnaðargerð.
• Háskólamenntun eða önnur menntun á sviði tölvunarfræði sem nýtist í starfi

Vörður er ört stækkandi tryggingafélag með um 100 starfsmenn og 65 þúsund viðskiptavini um land allt. Félagið býður upp á nútímalegt vinnuumhverfi og byggir á umbótamenningu þar sem áhersla er lögð á framsækna hugsun, sveigjanleika, árangur, samfélagslega ábyrgð, vellíðan og starfsánægju.

Vörður er Fyrirtæki ársins 2019 hjá VR.

Nánari upplýsingar um starfið veitir Sverrir Scheving Thorsteinsson, forstöðumaður, í netfanginu sverrir@vordur.is

Vörður er jafnlaunavottað fyrirtæki og hvetjum við konur jafnt sem karla til að sækja um.