Tæknistjóri (CTO)

Nýtt fyrirtæki 7. Jun 2019 Fullt starf

Við erum nýtt fyrirtæki sem þróar spennandi lausn fyrir innlendar netverslanir sem auðveldar þeim að stækka. Að baki félaginu standa einstaklingar með mikla reynslu af þeim markaði sem við störfum á ásamt öflugum fjárfestum.

Við leitum að reyndum forritara í starf tæknistjóra sem mun leiða hugbúnaðarþróun félagsins. Við hvetjum áhugasama til að hafa samband á cto.starf@gmail.com til að fá frekari upplýsingar um fyrirtækið

Við heitum fullum trúnaði við alla sem hafa samband. Umsóknarfrestur er til og með 30. júní en við hvetjum áhugasama til að hafa samband sem fyrst.

Um starfið

Við leitum að einstaklingi sem getur forritað fyrstu útgáfuna af hugbúnaði félagsins í samstarfi við framkvæmdastjóra og grafískan hönnuð. Tæknistjórinn getur ráðið til sín einn forritara til viðbótar til að aðstoða við hugbúnaðargerðina ef þörf er á.

Umsækjandi þarf að hafa gott vald á fram- og bakendaforritun og hæfni til að hanna hugbúnað frá grunni. Dæmi um verkfæri sem gætu nýst í verkefnið:

  • React eða Angular framendi
  • Bakendi í Node.js eða Django með tengingu við MySQL eða PostgresSQL
  • Vefþjónn, t.d. Nginx, sem hýstur er hjá Digital Ocean eða AWS
  • Tengingar við utanaðkomandi SaaS hugbúnað ef það getur flýtt fyrir þróun
  • Tengingar við vefþjónustur samstarfsaðila

Starfið hentar fyrir reyndan forritara sem hefur áhuga á að smíða nýja vöru frá grunni en gæti einnig verið stökkpallur fyrir ungan forritara sem hefur næga reynslu til að halda utan um verkefnið.

Launakjör og starfstími

Í boði eru samkeppnishæf laun auk þess sem möguleiki er á kauprétti í fyrirtækinu ef samstarfið gengur vel. Æskilegt er að umsækjandi geti hafið störf sem fyrst.


Sækja um starf
Upplýsingar fyrir umsækjendur

Ef þú vilt starfa í litlu teymi með mikla möguleika á að móta nýtt fyrirtæki með sterka bakhjarla þá hvetjum við þig til að hafa samband á cto.starf@gmail.com. Fullum trúnaði er heitið við alla sem hafa samband.