Stafrænn vörustjóri – MyBlueLagoon

Bláa Lónið 4. Sep 2021 Fullt starf

Bláa Lónið leitar að metnaðarfullum stafrænum vörustjóra (Digital Product Manager) til að leiða þróun á sjálfsafgreiðslugátt fyrir gesti Bláa Lónsins sem ber heitið MyBlueLagoon.

MyBlueLagoon er öflug stafræn vara fyrir gesti Bláa Lónsins sem fylgir þeim frá því bókun er gerð og þar til heimsókn lýkur. Þar geta gestir m.a. uppfært og breytt bókuninni sinni á fljótlegan og þægilegan máta. Næstu fasar snúa m.a. að auknum samskiptum við gesti (engagement), aukinni sjálfvirkni og hnitmiðuðum skilaboðum (personalization).

Stafrænn vörustjóri er ábyrgur fyrir þróun og árangri vörunnar ásamt því að spila stórt hlutverk í stafrænni upplifun gesta Bláa Lónsins. Til að ná settum markmiðum er unnið þétt með öflugu teymi innlendra og erlendra sérfræðinga.

Um er að ræða spennandi og krefjandi starf sem snýr beint að viðskiptavinum Bláa Lónsins þar sem hönnun, upplifun og virkni stafrænna lausna er í hávegum höfð. Starfið tilheyrir digital-teymi Bláa Lónsins sem tekur virkan þátt í stafrænni vegferð fyrirtækisins.

Í starfinu felst

  • Þróun og stefnumótun á MyBlueLagoon
  • Eignarhald og ábyrgð á lykil mælikvörðum MyBlueLagoon
  • Stjórnun verkefna í nánu samstarfi með hönnuðum, forriturum og hagaðilum
  • Forgangsröðun verkefna og ábyrgð á vöruáætlun (e. product roadmap)
  • Náin samvinna þvert á fyrirtækið og með öðrum vörustjórum til að tryggja sem besta útkomu
  • Upplýsingagjöf og fræðsla til helstu hagaðila innan fyrirtækisins

Menntunar- og hæfniskröfur

  • Reynsla af umsjón með stafrænum vörum / vefsvæðum
  • Menntun sem nýtist í starfi
  • Hæfileiki til að vinna þvert á fyrirtæki og miðla framtíðarsýn til ólíkra hópa
  • Reynsla af ákvarðanatöku með aðstoð gagna
  • Þekking á appþróun er kostur en ekki skilyrði
  • Þekking á Contentful, Klaviyo og AirShip er kostur en ekki skilyrði

Nánari upplýsingar um starfið veitir Hjalti Sigfússon, forstöðumaður Digital Channels, hjalti.sigfusson@bluelagoon.is.


Sækja um starf
Upplýsingar fyrir umsækjendur

Hægt er að sækja um starfið á https://jobs.50skills.com/bluelagoon/is/9904 Umsóknarfrestur er til 14. september.

Nánari upplýsingar um starfið veitir Hjalti Sigfússon, forstöðumaður Digital Channels, hjalti.sigfusson@bluelagoon.is.