Sérfræðingur í rekstri og uppbyggingu IP/MPLS nets

Sérfræðingur í rekstri og uppbyggingu IP/MPLS nets

Við leitum að metnaðarfullum og lausnamiðuðum sérfræðingi til starfa við IP-neti Ljósleiðarans, einu víðfeðmasta aðgangsnet landsins.

Fyrst og fremst leitum við að sjálfstæðri og umbótasinnaðri manneskju með góða þjónustulund. Frumkvæði, þekking og geta til að leysa tæknilega krefjandi verkefni eru lykilforsenda árangurs ásamt góðri samskiptahæfni.

Viðkomandi verður hluti af hópi sérfræðinga í Tæknideild Ljósleiðarans sem hefur það hlutverk að hanna og sjá um uppbyggingu og rekstur fjarskiptakerfa Ljósleiðarans.

Helstu viðfangsefni

Helstu viðfangsefni eru uppbygging og rekstur IP/MPLS-nets Ljósleiðarans ásamt öðrum fjölbreyttum verkefnum tengd nethönnun og sjálfvirknivæðingu IP/MPLS-nets Ljósleiðarans

Hæfniskröfur

• Reynsla af rekstri IP/MPLS netkerfa
• CCNP eða sambærileg þekkingarvottun kostur
• Þekking á netbúnaði frá Cisco og/eða Nokia er kostur

Ljósleiðarinn byggir upp og rekur ljósleiðaranet fyrir heimili, fyrirtæki og stofnanir. Með þéttu neti ljósleiðaraþráða tryggir Ljósleiðarinn hraðan, öruggan og hnökralausan aðgang að tækifærum framtíðarinnar. Þannig gerum við allt mögulegt mögulegt.

Ljósleiðarinn er hluti af OR samstæðunni þar sem lögð er áhersla á að vera með fjölbreyttan hóp starfsfólks. Rannsóknir hafa sýnt að konur, kynsegin og fólk í minnihlutahópum sækja síður um störf án þess að uppfylla öll skilyrði starfsins. Ef þú telur þig hafa það sem þarf til og ástríðu til að vinna hjá Ljósleiðaranum hvetjum við þig til að sækja um, jafnvel þó þú hakir ekki í öll boxin í auglýsingunni! 

Hvernig vinnustaður er OR samstæðan? (kynningarmyndband)

Umsóknarfrestur er til og með 22. september 2023.

Nánari upplýsingar veitir Jón Ingi Ingimundarson, Forstöðumaður Tæknideildar Jon.Ingi.Ingimundarson@ljosleidarinn.is