Sérfræðingur í atvikameðhöndlun

CERT-IS leitar eftir öflugum sérfræðingum í teymi atvikameðhöndlunar. Verkefni CERT-IS eru fjölbreytt og í starfinu felst einstakt tækifæri til að hafa bein áhrif á netöryggi Íslands til framtíðar.

CERT-IS hefur það hlutverk að fyrirbyggja, draga úr og bregðast við hættu vegna netárása eða hliðstæðra öryggisatvika í þeim tölvu- og netkerfum sem falla undir starfssvið hennar. Sveitin leitast við að greina atvik af þessu tagi, takmarka útbreiðslu þeirra og tjón af þeirra völdum.

CERT-IS er leiðandi í samvinnu um netöryggi á Íslandi og vinnur náið með rekstraraðilum mikilvægra innviða. Einnig er sveitin hluti af öflugu netöryggissamstarfi á evrópskum og alþjóðlegum vettvangi.

Helstu verkefni og ábyrgð:

• Þátttaka í atvikameðhöndlun CERT-IS.  

• Þróa og taka þátt í netöryggisæfingum.

• Þátttaka í innlendu og alþjóðlegu samstarfi um netöryggismál.

• Ráðgjöf og upplýsingagjöf varðandi netöryggismál.

• Náin samvinna með sviðshópum CERT-IS.

• Vinna við atvika-, veikleika- og búnaðargreiningu.

Menntunar- og hæfnikröfur:

• Háskólanám sem nýtist í starfi, t.d. á sviði verk- eða tölvunarfræði eða víðtæk reynsla af netöryggi.

• Brennandi áhugi á upplýsingaöryggi og upplýsingatækni.

• Reynsla af atvikagreiningu er kostur.

• Þekking á netöryggi Windows eða Linux stýrikerfa er kostur.

• Þekking á skýjalausnum s.s. M365, Azure, AWS og GCP er kostur.

• Þekking á netlausnum og netstýringum er kostur.

• Hæfni til ákvarðanatöku við flóknar og krefjandi aðstæður.

• Góður skilningur á upplýsingatækni og geta til að meta upplýsingar með tilliti til áhættu og áhrifa.

• Gott vald á íslensku og ensku, og búa yfir ríkulegri samskiptafærni meðal annars að geta miðlað tæknilegum upplýsingum.

• Samstarfshæfni, jákvætt viðhorf og eiga auðvelt með að vinna í hóp.