QA sérfræðingur

Wise leitar að hæfileikaríkum QA sérfræðingi til að ganga til liðs við öflugt vöruþróunarteymi Wise.

Í starfinu gefst tækifæri á að taka þátt í handvirkum prófunum og leiða vinnu við að byggja upp þekkingu og ferla fyrir sjálfvirkar prófanir.

Við leitum að kraftmiklum, sjálfstæðum einstaklingi sem á auðvelt með að vinna í hóp og hefur áhuga á krefjandi og fjölbreyttum verkefnum.

Helstu verkefni:

• Framkvæmda prófana á hugbúnaði félagsins
• Taka þátt í sprettum og prófa nýja hugbúnaðarvirkni áður en hún er gefin út
• Taka þátt í skjölun á handbókum og prófanalýsingum
• Önnur verkefni t.d. aðkoma að gerð myndbanda og annarra skjala

Reynsla og hæfni:

• Þekking og reynsla af handvirkum prófunum
• Þekking af sjálfvirkum prófunum
• Reynsla í forritun kostur
• Góð greiningarhæfni og lausnamiðuð hugsun
• Hæfni og geta til að vinna sjálfstætt sem og í hóp

Umsóknarfrestur er til og með 31. mars 2023

Frekari upplýsingar veitir Tinni Jóhannesson, mannauðsstjóri (tinni@wise.is)

Um Wise

Wise er ört vaxandi þekkingarfyrirtæki, sérhæft í stafrænum lausnum sem veita viðskiptavinum forskot í þeirra rekstri.

Hjá Wise starfa um 120 manns í Reykjavík og á Akureyri með áratuga reynslu og þekkingu á sviði alhliða viðskiptalausna.

Wise er fjölskylduvænn, lifandi og skemmtilegur vinnustaður þar sem leitast  er við að auka fjölbreytileika í ráðningum. Við leggjum áherslu á hvetjandi starfsumhverfi með markvissri fræðslu og þjálfun, að starfsfólki líði vel í vinnunni og að starfsandi sé eins og best verður á kosið. Jafnframt er boðið upp á samgöngu- og íþróttastyrk til starfsmanna.

Fyrirtækið býður upp á samkeppnishæf laun og hlaut jafnlaunavottun 2021 og  viðurkenningu FKA Jafnvægisvogarinnar 2022.