Kerfisstjóri

dk Hugbúnaður óskar eftir að ráða reyndan kerfisstjóra á starfsstöð fyrirtækisins í Kópavogi.
dk rekur eitt stærsta hýsingarumhverfi á landinu með yfir 6.000 viðskiptavini.

Um er að ræða áhugavert starf fyrir öflugan aðila.

Helstu verkefni og ábyrgð:

• Rekstur, hönnun og uppbygging á hýsingarumhverfi dk
• Almenn kerfisstjórn ásamt vinnu við fyrirbyggjandi viðhald og bilanagreiningar
• Rekstur á Microsoft 365 skýjaumhverfi
• Þátttaka í vöruþróun og þjónustu framboði

Hæfniskröfur:

• Víðtæk reynsla af kerfisrekstri
• Tæknilegar vottanir og/eða önnur menntun sem nýtist í starfi
• Þekking á Microsoft Windows netþjónum
• Reynsla af notkun Powershell
• Öguð og sjálfstæð vinnubrögð
• Metnaður til að ná árangri í starfi
• Góð kunnátta í íslensku og ensku

Um dk hugbúnað:
dk hugbúnaður var stofnað árið 1998 og er í dag leiðandi fyrirtæki á sviði viðskiptahugbúnaðar hér á landi með rúmlega 6.000 fyrirtæki í viðskiptum. dk býður upp á mikið af sérlausnum sem henta fyrirtækjum í ólíkum atvinnugreinum hvort sem þau eru stór eða smá. Hjá fyrirtækinu starfar um 60 manna sterk liðsheild og um árabil hefur dk fengið viðurkenningar sem Framúrskarandi fyrirtæki hjá Creditinfo og sem Fyrirmyndarfyrirtæki VR. Leiðarljós dk er að vera skemmtilegur og lifandi vinnustaður þar sem metnaðarfullir einstaklingar fá að njóta sín og þróast í starfi. Nánari upplýsingar um dk má finna á www.dk.is.