Hugbúnaðarsérfræðingur með áhuga á sjálfvirkni

Advania 13. Jan 2023 Fullt starf

Við leitum að metnaðarfullum og lausnamiðuðum hugbúnaðarsérfræðing með áhuga á sjálfvirknivæðingu og samþættingu kerfa. Bjóðum upp á fjölbreytt verkefni og gott fjölskylduvænt starfsumhverfi.

Teymið er ungt og sinnir verkefnum tengdum sjálfvirkni og samþættingu kerfa, með það að markmiði að auka skilvirkni og skalaleika í veittri þjónustu til viðskiptavina. Rekstrarumhverfi Advania er stórt og samsett úr fjölda kerfa og því er um mikilvægt verkefni að ræða.

Starfslýsing

Unnið er með lausnir frá Service Now ásamt hugbúnaðarlausnum sem smíðaðar eru innan Advania. Helsta verkefnið er að sjálfvirknivæða endurteknar aðgerðir sem stuðla að aukinni skilvirkni og skalaleika í þjónustu til viðskiptavina.

Hæfniskröfur

  • Háskólamenntun á sviði tölvunarfræði, hugbúnaðarverkfræði eða sambærileg reynsla.
  • Jákvætt hugarfar
  • Hæfni við að vinna í teymi
  • Góðir samskiptahæfileikar
  • Góð enskukunnátta í töluðu og rituðu máli

Reynsla eða þekking

  • JavaScript
  • Go
  • SQL
  • Samþætting kerfa

Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

 

Ferli ráðninga

  1. Tekið á móti umsóknum til 22. janúar
  2. Yfirferð umsókna
  3. Boðað í fyrstu viðtöl
  4. Boðað í seinni viðtöl
  5. Verkefni eða próf lögð fyrir ef við á
  6. Öflun umsagna / meðmæla
  7. Ákvörðun um ráðningu
  8. Öllum umsóknum svarað 

Starfsmenn mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

 

Nánari upplýsingar

Nánari upplýsingar veitir Heimir Már Helgason, deildarstjóri – heimir.mar.helgason@advania.is / 440 9000


Sækja um starf
Upplýsingar fyrir umsækjendur

.