Hugbúnaðarsérfræðingur fyrir smátölvur – Vaki

Hagvangs 14. Jun 2022 Fullt starf

Hugbúnaðarsérfræðingur fyrir smátölvur (e. Embedded) tilheyrir þróunarteymi Vaka og vinnur að þróun stýrihugbúnaðar fyrir ýmis tæki Vaka, þróun gervigreindarlausna, þróun og prófunum í samvinnu við viðskiptavini, úrvinnslu og framsetningu gagna, auk annarra áhugaverðra verkefna. Leitað er að starfsmanni sem hefur háskólamenntun á sviði tölvunarfræði, verkfræði eða úr sambærilegum greinum.

Helstu verkefni:

  • Þróun stýrihugbúnaðar fyrir ýmiss tæki Vaka
  • Þróun gervigreindarlausna sem notaðar eru á smátölvum
  • Þróun og prófanir í samvinnu með viðskiptavinum
  • Úrvinnsla og framsetning gagna
  • Þjálfun og samskipti við tæknimenn, þjónustuaðila og notendur

Hæfniskröfur:

  • Frumkvæði og sjálfstæð vinnubrögð
  • Vinna vel í teymi og geta tekið virkan þátt í vinnu í alþjóðlegu vinnuumhverfi
  • Háskólamenntun á sviði tölvunarfræði, verkfræði eða í sambærilegum greinum
  • Þekking og reynsla á forritun fyrir smátölvu (e. Embedded)
  • Góð enskukunnátta

Nánari upplýsingar veita Yrsa Guðrún Þorvaldsdóttir, yrsa@hagvangur.is og Inga Steinunn Arnardóttir,

inga@hagvangur.is

Vaki fiskeldiskerfi ehf. var stofnað árið 1986 og hefur frá fyrstu tíð verið leiðandi fyrirtæki í hönnun og þróun á hátæknibúnaði fyrir fiskeldi um allan heim. Rúmlega 30 starfsmenn sinna vöruþróun, framleiðslu, sölu og þjónustu í höfuðstöðvum Vaka á Íslandi og sölu- og þjónustuaðilar eru á öllum stærstu mörkuðum erlendis. Helstu vörur Vaka eru fiskiteljarar byggðir á tölvusjón sem telja fisk á öllum stigum í eldinu, ásamt fiskiflokkurum og fiskidælum. Annað sérsvið Vaka er myndavélabúnaður til að stærðarmæla fisk í sjókvíum, telja laxalús og fylgjast með velferð og vexti fiskanna.

Árið 2019 keypti MSD Animal Health allt hlutafé í Vaka og nú sem hluti af MSD eru uppi spennandi áform um stækkun og eflingu fyrirtækisins. Aukin áhersla verður lögð á vöruþróun og þjónustu í nánu samstarfi við viðskiptavini og munu nýjar lausnir Vaka stuðla að framþróun fiskeldis um allan heim.

Frekari upplýsingar á www.vaki.is


Sækja um starf
Upplýsingar fyrir umsækjendur

Umsóknir óskast fylltar út á www.hagvangur.is

Nánari upplýsingar veita Yrsa Guðrún Þorvaldsdóttir, yrsa@hagvangur.is