Hugbúnaðarsérfræðingur (e. Senior Developer)

Ert þú forritari með reynslu af Microsoft Dynamics 365 Business Central og klár í spennandi verkefni?

Við leitum að öflugum forritara með yfirgripsmikla reynslu af Microsoft Dynamics 365 Business Central til að bætast í hóp sérfræðinga sem sjá um þróun á sérlausnum Wise og íhugbúnaðarverkefni fyrir stærri viðskiptavini. Með auknum umsvifum eru mörg spennandi verkefni framundan í vöruþróun og í stuðningi við stafræna vegferð okkar stærstu viðskiptavina bæði hér heima og erlendis.

Helstu verkefni:

• Leiða þróun lausna fyrir viðskiptavini félagsins
• Fylgjast með tækninýjungum og hjálpa félaginu að fylgja þróun á markaði
• Vöruþróun sérlausna með hópi sérfræðinga
• Þátttaka í því að tryggja  gæði á hugbúnaði félagsins
• Önnur tilfallandi verkefni

Hæfniskröfur:

• Háskólamenntun í tölvunarfræði, hugbúnaðarverkfræði eða tengdum greinum
• Reynsla af Microsoft Dynamics 365 Business Central
• Azure DevOps og PowerPlatform er kostur
• Þekking á Agile aðferðarfræði er kostur
• Skipulögð vinnubrögð og áhugi á að tileinka sér nýja tækni

Umsóknarfrestur er til og með 19.mars 2023

Frekari upplýsingar veitir Tinni Jóhannesson, mannauðsstjóri

(tinni@wise.is).

Um Wise

Wise er ört vaxandi þekkingarfyrirtæki, sérhæft í stafrænum lausnum sem veita viðskiptavinum forskot í þeirra rekstri.

Hjá Wise starfa um 120 manns í Reykjavík og á Akureyri með áratuga reynslu og þekkingu á sviði alhliða viðskiptalausna.

Wise er fjölskylduvænn, lifandi og skemmtilegur vinnustaður þar sem leitast  er við að auka fjölbreytileika í ráðningum. Við leggjum áherslu á hvetjandi starfsumhverfi með markvissri fræðslu og þjálfun, að starfsfólki líði vel í vinnunni og að starfsandi sé eins og best verður á kosið. Jafnframt er boðið upp á samgöngu- og íþróttastyrk til starfsmanna.

Fyrirtækið býður upp á samkeppnishæf laun og hlaut jafnlaunavottun 2021 og  viðurkenningu FKA Jafnvægisvogarinnar 2022.