Hugbúnaðarsérfræðingur

Reiknistofa lífeyrissjóða hf. (RL) leitar að hugbúnaðarsérfræðingi til þess að starfa með samhentum hópi sérfræðinga á sviði þróunar og rekstrar. Framundan eru spennandi verkefni við framþróun lausna félagsins og mun viðkomandi leika mikilvægt hlutverk í þeim verkefnum. Starfið veitir tækifæri til að hafa áhrif á framtíðarþróun á stóru og mikilvægu kerfi.

Helstu verkefni og ábyrgð:

• Hönnun og þróun á hugbúnaðarlausnum félagsins.
• Þátttaka í mótun og framfylgni á tæknilegri framtíðarsýn.
• Greining og vinnsla á gögnum.
• Hönnun og útfærsla á verkferlamiðuðu viðmóti.
• Smíði á vefþjónustum.
• Samskipti við viðskiptavini og notendur í tengslum við hugbúnaðarlausnir.

Menntunar- og hæfniskröfur:

• Háskólapróf í tölvunarfræði, verkfræði eða skyldum greinum.
• Reynsla af fjölbreyttu tækniumhverfi er kostur.
• Reynsla af fjármálamarkaði er kostur.
• Hæfni í samskiptum, jákvæðni, þjónustulund og geta til að vinna í teymi.
• Samviskusemi, áreiðanleiki, vandvirkni og öguð vinnubrögð.

RL er traust félag í eigu lífeyrissjóða og viðskiptavinir eru aðallega lífeyrissjóðir, stéttarfélög og fjármálafyrirtæki. Félagið þróar og þjónustar hugbúnaðarlausnir fyrir kjarnastarfsemi viðskiptavina sinna. RL er staðsett í Hlíðasmára í Kópavogi og býður heilbrigt starfsumhverfi, góða vinnuaðstöðu, samkeppnishæf laun og skemmtilegt samstarfsfólk.