Hugbúnaðarprófari

Íslandsbanki 19. Aug 2021 Fullt starf

Vöruteymi Daglegra bankaviðskipta á Upplýsingatæknisviði leitar að öflugum hugbúnaðarprófara í krefjandi og fjölbreytt starf í spennandi starfsumhverfi.

Í vöruteymi daglegra bankaviðskipta starfar samhentur hópur að þróun á lausnum bankans sem snúa að innlánsreikningum, innlendum og erlendum greiðslum, debet- og kreditkortum og greiðslukröfum.

Við myndum sterka liðsheild sem tekst á við krefjandi áskoranir og vinnum þétt með viðskiptaeiningum bankans og öðrum hagsmunaaðilum, jafnt innan sem utan bankans. Við leitum að metnaðarfullum og faglegum sérfræðingi til að slást í hópinn og takast á við fjölbreytt og skemmtileg verkefni.

Helstu verkefni:

  • Þátttaka í þróunarteymum og samvinna við viðskiptaeiningar og birgja
  • Skilgreining og utanumhald prófanatilvika
  • Undirbúningur og framkvæmd prófana
  • Þróun sjálfvirkra prófana
  • Umsjón með notendaprófunum
  • Önnur verkefni eftir samkomulagi

Hæfniskröfur:

  • Háskólamenntun á sviði tölvunarfræði, verkfræði eða tengdum greinum
  • Reynsla af hugbúnaðarprófunum og/eða hugbúnaðarþróun
  • Reynsla af sjálfvirkum prófunum er mikill kostur
  • Góðir samstarfs- og samskiptahæfileikar
  • Frumkvæði og drifkraftur
  • Skipulögð og öguð vinnubrögð

Nánari upplýsingar um starfið veita Rakel Sigurðardóttir forstöðumaður Daglegra bankaviðskipta á Upplýsingatæknisviði, s. 856-6911 rakel.sigurdardottir@islandsbanki.is og Sigrún Ólafsdóttir á mannauðssviði, s. 844-4172 sigrun.olafs@islandsbanki.is.

Umsóknarfrestur er til og með 29. ágúst 2021.

Hjá Íslandsbanka starfa um 750 manns með ástríðu fyrir árangri. Við vinnum saman að lausnum fyrir viðskiptavini með fagmennsku að leiðarljósi. Starfsfólk Íslandsbanka leggur sig alltaf fram við að veita bestu bankaþjónustuna. Íslandsbanki hefur staðist jafnlaunavottun og hlotið Jafnlaunamerki Velferðaráðuneytis.


Sækja um starf
Upplýsingar fyrir umsækjendur

Sótt er um í gegnum umsóknarsíðu Íslandsbanka hér að ofan.