Hugbúnaðarhönnuður

Brennur þú fyrir þróun hugbúnaðarlausna og innleiðingu á hinum ýmsu kerfum? Áttu gott með að vinna í árangurs og verkefnadrifnum hópum? Býrð þú að framsýni, sjálfstæði og átt auðvelt með að finna úrræði og lausnir?

Vörður leitar að öflugum liðsauka í teymi sérfræðinga sem vinna að upplýsingatæknimálum. Helstu verkefni hópsins eru þróun á fjárhags- og tryggingakerfi félagsins í Microsoft Dynamics NAV 2016 sem og öðrum kerfum, innleiðing á aðkeyptum kerfum, notendaprófanir og aðstoð við notendaþjónustu. Teymið sinnir einnig vefsíðum Varðar og þróunarverkefnum með
öflugum samstarfsaðilum félagsins á sviði trygginga- og fjártækni.

Við hvetjum jafnt konur sem karla til að sækja um en viðkomandi einstaklingur þarf að hafa menntun og reynslu á sviði hugbúnaðarþróunar, helst á sviði Microsoft Dynamics NAV. Mikill kostur er ef viðkomandi hefur þekkingu á NAV 2016 og nýrri útgáfum sem og þekkingu á þróun á vefþjónustum.

Vörður er lifandi og skemmtilegur vinnustaður með fjölskylduvæna og heilsueflandi mannauðsstefnu þar sem unnið er
í anda jafnréttis. Vinnuumhverfi félagsins er nútímalegt, jákvætt og árangursmiðað.