Framendaforritari

Vilt þú hafa jákvæð áhrif á heilbrigðiskerfið í gegnum tækni?

Við leitum að metnaðarfullum og notendamiðuðum framendaforritara með brennandi áhuga á hönnun og vilja til þess að byggja lausnir sem að hafa raunveruleg áhrif.
Hjá Helix Health hefur skýr og skilvirk hönnun framenda bein áhrif á líf fólks. Hver lína af kóða getur sparað dýrmætan tíma, aukið öryggi og haft raunveruleg áhrif á líðan og lífsgæði sjúklinga og heilbrigðisstarfsfólks.
Ef þú vilt vinna að lausnum sem skipta máli, þá viljum við heyra frá þér.

Hlutverk og ábyrgð

• Taka virkan þátt í þróun og viðhaldi notendaviðmóts hugbúnaðarlausna Helix
• Vinna náið með hönnuðum, vörustjórum og þróunarteymi að því að skapa notendavænar og árangursríkar lausnir
• Nýta ný tól og aðferðir (m.a. gervigreind) til að auka skilvirkni og gæði í þróun
• Sjá til þess að þróun framenda fylgi viðurkenndum og bestu verklagsreglum, með áherslu á gæði, aðgengi og viðhald
• Vera málsvari fyrir góða notendaupplifun og leggja til úrbætur sem bæta bæði virkni og útlit
• Deila þekkingu, taka þátt í kóðaúttektum og styðja samfellda faglega þróun teymisins
• Leggja sitt af mörkum til lausnamiðaðs og jákvæðs teymisanda þar sem samvinna og virðing eru í forgrunni

Hæfni

• Sterkur grunnur í HTML, CSS og TypeScript
• Reynsla af React er kostur
• Skilningur á responsive hönnun og aðgengismálum (accessibility)
• Frumkvæði, sjálfstæði og sterkt lausnamiðað hugarfar.
• Hæfni til að skila lausnum í samstarfi við aðra
• Menntun í tölvunarfræði, hugbúnaðarverkfræði eða sambærilegum greinum, eða sambærileg reynsla
• Reynsla af eða áhugi á að nýta gervigreind sem hluta af þróunarferli og daglegu vinnuflæði
• Vilji til að læra hratt, prófa nýja hluti og tileinka sér nýjar leiðir í þróun

Við bjóðum

• Tækifæri til að starfa í fjölbreyttu og lifandi starfsumhverfi.
• Hvetjandi verkefni þar sem virðing og samvinna eru lykilatriði.
• Sveigjanleika og tækifæri til persónulegs og faglegs vaxtar.
• Tækifæri til að vinna með nýjustu tækni, þar á meðal gervigreind, í raunverulegum verkefnum.
• Samgöngustyrk og íþróttastyrk
• Líkamsræktaraðstaða í húsinu
• Frábært mötuneyti
• Skýra og metnaðarfulla nálgun á fæðingarorlof sem styður vel við starfsfólk

Vinsamlegast sendið ferilskrá og kynningarbréf með umsókn.

Helix Health hefur þróað tæknilausnir fyrir íslenskt heilbrigðiskerfi í 30 ár. Hér vinnur metnaðarfullt teymi með fjölbreyttan bakgrunn sem hefur það að leiðarljósi að vilja hafa jákvæð áhrif á samfélagið. Hjá Helix starfa um 50 starfsmenn í fjölbreyttum og krefjandi verkefnum, þar sem hver lína af kóða hefur raunveruleg áhrif.

Umsóknarfrestur er til og með 9.apríl. Allar umsóknir og fyrirspurnir verða meðhöndlaðar sem trúnaðarmál og þeim svarað.