Framendaforritari

Andes og Prógramm leita að reyndum framendaforritara í margvísleg verkefni.

Andes og Prógramm eru systurfélög sem saman mynda eitt af öflugri hugbúnaðarhúsum landsins. Við trúum því að við getum aukið skilvirkni með sérfræðiþekkingu og vali á réttum verkfærum fyrir hvert og eitt verkefni. Við erum leiðandi í stafrænni umbreytingu og sérsvið okkar eru skýjalausnir, sjálfvirkni, innviðir og flóknari hugbúnaðarlausnir. Vinnustaðurinn er frábær vettvangur fyrir þá sem vilja þróast áfram á sviði upplýsingatækni og taka þátt í krefjandi, skapandi og skemmtilegum verkefnum.

Helstu verkefni og ábyrgð

• Þróun upplýsingakerfa fyrir stærri stofnanir og fyrirtæki
• Sjálfvirknivæðing vinnuferla, skjölun og uppsetning á stafrænum innviðum

Menntunar- og hæfniskröfur

• Menntun sem nýtist í starfi, td. tölvunarfræði eða hugbúnaðarverkfræði
• A.m.k. þriggja ára reynsla af hugbúnaðarþróun
• Mikil reynsla af React
• Góð þekking á Javascript, HTML og CSS
• Áhugi á að tileinka sér nýja tækni og þróast í starfi
• Lipurð í mannlegum samskiptum, sjálfstæði og drifkraftur
• Góð enskukunnátta, bæði í töluðu og rituðu máli