Forstöðumaður samstæðulausna – Corporate solutions

Íslandsbanki 21. Nov 2019 Fullt starf

Forstöðumaður samstæðulausna er hluti af stjórnendateymi upplýsingatæknisviðs og heyrir undir framkvæmdastjóra sviðsins. Forstöðumaður leiðir teymi fagfólks með áherslu á gæði, tæknilega framþróun, endurnýtanleika og afhendingar lausna. Samstæðulausnir eru m.a. viðskiptamannakerfi, skjala- og aðgangsstjórnun og rafrænar undirritanir. Forstöðumaður samstæðulausna ber ábyrgð á daglegum rekstri í samráði við framkvæmdastjóra, hefur eftirlit og ber ábyrgð á kostnaði, eftirfylgni og frávikagreiningum. Forstöðumaður hefur góða yfirsýn yfir kerfi og viðskiptaferla sem falla undir ábyrgðarsvið hans í samræmi við upplýsingatæknistefnu bankans.

Helstu verkefni:

  • Fagleg forysta og öflug stjórnun
  • Tæknileg framþróun í takt við breyttar kröfur viðskiptavina
  • Tæknihögun og innleiðing tæknistefnu
  • Stefnumótun í samráði við vörustjóra viðskiptaeininga
  • Skipulag og þróun mannauðs

Hæfniskröfur:

  • Háskólapróf í tölvunarfræði, verkfræði eða sambærileg menntun
  • Reynsla af forritun æskileg
  • Leiðtogahæfni og stjórnunarreynsla
  • Stefnumiðuð hugsun og drifkraftur
  • Frumkvæði og geta til að vinna undir álagi
  • Hæfni í mannlegum samskiptum

Nánari upplýsingar veitir Riaan Dreyer, framkvæmdastjóri Upplýsingatækni, sími 840 7340, riaan.dreyer@islandsbanki.is Á mannauðssviði veitir Hafsteinn Bragason mannauðsstjóri nánari upplýsingar, sími 844 4267, hafsteinn.bragason@islandsbanki.is Umsóknir óskast fylltar út á www.islandsbanki.is og sendar ásamt ferilskrá. Umsóknarfrestur er til og með 26. nóvember 2019. Hjá Íslandsbanka starfa um 800 manns með ástríðu fyrir árangri. Við vinnum saman að lausnum fyrir viðskiptavini með fagmennsku að leiðarljósi. Starfsfólk Íslandsbanka leggur sig alltaf fram við að veita bestu bankaþjónustuna.

Íslandsbanki hefur staðist jafnlaunavottun og hlotið Jafnlaunamerki Velferðaráðuneytis.


Sækja um starf
Upplýsingar fyrir umsækjendur

Umsóknir óskast fylltar út á www.islandsbanki.is og sendar ásamt ferilskrá.