Forstöðumaður Daglegra bankaviðskipta

Íslandsbanki leitar að öflugum aðila í stjórnendateymi Stafrænnar þróunar og gagnastýringar til að leiða teymi fagfólks í hugbúnaðarþróun með áherslu á gæði, tæknilega framþróun, endurnýtanleika og afhendingar lausna.

Við leitum eftir aðila til að leiða 20+ sérfræðinga sem vinna að vöruþróun lausna fyrir dagleg bankaviðskipti og opið bankaumhverfi ásamt nauðsynlegum innviðum, t.a.m. kredit-, debet- og innlánavörur ásamt innlendri greiðslumiðlun. Forstöðumaður ber ábyrgð á daglegum rekstri, hefur eftirlit með og ber ábyrgð á kostnaði, eftirfylgni og frávikagreiningum. Forstöðumaður hefur góða yfirsýn á kerfi og viðskiptaferla sem falla undir ábyrgðarsvið hans í samræmi við upplýsingatæknistefnu bankans.

Starfið heyrir undir yfirmann stafrænnar þróunar.

Helstu verkefni:

• Fagleg forysta og öflug stjórnun
• Eftirlit, samskipti og vinna með ytri aðilum
• Tæknileg framþróun í takt við breyttar kröfur viðskiptavina
• Tæknihögun og innleiðing tæknistefnu
• Stafræn vöruþróun, nýsköpun og stefnumótun
• Skipulag og þróun mannauðs

Hæfniskröfur:

• Háskólapróf í tölvunarfræði, verkfræði eða sambærileg menntun
• Reynsla af hugbúnaðarþróun og tæknihögun æskileg
• Leiðtogahæfni og stjórnunarreynsla
• Stefnumiðuð hugsun, sköpunar- og drifkraftur
• Frumkvæði og geta til að vinna undir álagi
• Hæfni í mannlegum samskiptum

Nánari upplýsingar:

Nánari upplýsingar veita Árni Geir Valgeirsson á upplýsingatæknisviði, arni.geir.valgeirsson@islandsbanki.is og á mannauðssviði Guðlaugur Örn Hauksson, gudlaugur.orn.hauksson@islandsbanki.is.

Hjá Íslandsbanka starfa um 750 manns sem hafa ástríðu fyrir árangri og vinna að lausnum fyrir viðskiptavini með fagmennsku að leiðarljósi. Við leggjum áherslu á að skapa virði til framtíðar með traustum rekstri og framúrskarandi þjónustu.