Forstöðumaður daglegra bankaviðskipta. Day to day banking

Íslandsbanki 3. Jul 2020 Fullt starf

Forstöðumaður daglegra bankaviðskipta er hluti af stjórnendateymi upplýsingatæknisviðs og heyrir undir framkvæmdastjóra sviðsins. Forstöðumaður leiðir teymi fagfólks í stafrænni vöruþróun með áherslu á gæði, tæknilega framþróun, endurnýtanleika og afhendingar lausna. Dagleg bankaviðskipti eru m.a. innlendar og erlendar greiðslur, innlán, kortaviðskipti, bankareikningar, reiðufé og opnar vefþjónustur (open banking). Forstöðumaður daglegra bankaviðskipta ber ábyrgð á daglegum rekstri í samráði við framkvæmdastjóra, hefur eftirlit og ber ábyrgð á kostnaði, eftirfylgni og frávikagreiningum. Forstöðumaður hefur góða yfirsýn yfir kerfi og viðskiptaferla sem falla undir ábyrgðarsvið hans í samræmi við upplýsingatæknistefnu bankans.

Helstu verkefni:

  • Fagleg forysta og öflug stjórnun
  • Tæknileg framþróun í takt við breyttar kröfur viðskiptavina
  • Tæknihögun og innleiðing tæknistefnu
  • Stefnumótun í samráði við vörustjóra viðskiptaeininga
  • Skipulag og þróun mannauðs

Hæfniskröfur:

  • Háskólapróf í tölvunarfræði, verkfræði eða sambærileg menntun
  • Reynsla af forritun æskileg
  • Leiðtogahæfni og stjórnunarreynsla
  • Stefnumiðuð hugsun og drifkraftur
  • Frumkvæði og geta til að vinna undir álagi
  • Hæfni í mannlegum samskiptum

Nánari upplýsingar veitir Riaan Dreyer, framkvæmdastjóri Upplýsingatækni, sími 840 7340, riaan.dreyer@islandsbanki.is Á mannauðssviði veitir Sigrún Ólafsdóttir nánari upplýsingar, sími 844 4172, sigrun.olafs @islandsbanki.is

Hjá Íslandsbanka starfa um 750 manns með ástríðu fyrir árangri. Við vinnum saman að lausnum fyrir viðskiptavini með fagmennsku að leiðarljósi. Starfsfólk Íslandsbanka leggur sig alltaf fram við að veita bestu bankaþjónustuna.

Íslandsbanki hefur staðist jafnlaunavottun og hlotið Jafnlaunamerki Velferðaráðuneytis.


Sækja um starf
Upplýsingar fyrir umsækjendur

Umsóknir óskast fylltar út á www.islandsbanki.is og sendar ásamt ferilskrá. Umsóknarfrestur er til og með 12. júlí 2020.