Forritari í hugbúnaðarþróun hjá Nova

Við leitum að forritara til að ganga til liðs við stækkandi hugbúanaðarþróunarteymi Nova. Um er að ræða fjölbreytt hlutverk í teymi sem sér um þróun og rekstur starfrænna lausna fyrir viðskiptavini og starfsmenn Nova. 

Þú munt

• taka þátt í þróun og uppbyggingu á sölu-, áskrifta- og viðskiptamannakerfum Nova

• vinna við samþættingu kerfa og tengingar við kerfiseiningar tengdar fjarskiptarekstri

• sinna skipulagi verkefna í samstarfi við kröfuhafa, vörustjóra og aðra í teyminu

• koma að vöruþróun á fjarskiptamarkaði

Þú hefur

• metnað fyrir því að skrifa góðan, viðhaldanlegan kóða

• þekkingu á helstu hönnunarmynstrum hugbúnaðar

• getu til að taka ábyrgð og leiða verkefni tæknilega

• áhuga á að miðla þekkingu og reynslu til teymismeðlima

• vilja til að finna bestu lausnina

Háskólapróf í tölvunarfræði, hugbúnaðarverkfræði eða sambærilegt nám eða reynsla er kostur.

Nova er skemmtilegur og sveigjanlegur vinnustaður þar sem mikið er lagt upp úr góðum starfsanda og sjálfstæðum vinnubrögðum. Við leggjum gríðarlega áherslu á sterka liðsheild! Svo ef þú ert hress og lífsglöð manneskja sem vilt umgangast glás af lífsglöðu hæfileikafólki, vaxa og dafna í spennandi umhverfi, vinna fjölbreytt starf og hafa nóg að gera, þá viljum við endilega fá þig í hópinn!