Ert þú snillingur í skýjunum – ertu Azure engineer?

Ert þú kraftmikill og sjálfstæður einstaklingur sem á auðvelt með að vinna í hóp og hefur góða innsýn inn í kerfisrekstur og þarfir viðskiptavina?

Wise leitar að öflugum sérfræðingi með ástríðu fyrir upplýsingatækni og kerfisrekstri til að vinna með okkur að áframhaldandi uppbyggingu á skýjaumhverfum viðskiptavina okkar.

Þú munt taka þátt í að móta með okkur framtíðina, veita viðskiptavinum okkar faglega ráðgjöf og hjálpa okkur við rekstur og þjónustu.

Helstu verkefni og ábyrgð:

• Rekstur á netþjónum
• Rekstur á Microsoft 365 umhverfi
• Rekstur á Azure IaaS og algengum grunnþjónustum
• Þjónusta og ráðgjöf til viðskiptavina
• Samskipti við viðskiptavini og eftirfylgni þjónustumála og verkefna

Hæfniskröfur:

• Reynsla af IT rekstri og brennandi áhugi á upplýsingatækni
• Góð þekking á rekstri Windows stýrikerfum
• Góð þekking á umsýslu og rekstri Microsoft 365
• Þekking á Azure AD
• Þekking og reynsla á Azure IaaS
• Þekking á Azure DevOps er kostur
• Vottuð þekking á ofangreindum sviðum er kostur
• Frumkvæði og sjálfstæði í vinnubrögðum
• Framúrskarandi þjónustulund

Umsóknarfrestur er til og með 30.janúar 2023

Frekari upplýsingar veitir Tinni Jóhannesson, mannauðsstjóri (tinni@wise.is).

Um Wise

Wise er ört vaxandi þekkingarfyrirtæki, sérhæft í stafrænum lausnum sem veita viðskiptavinum forskot í þeirra rekstri.

Hjá Wise starfa um 120 manns í Reykjavík og á Akureyri með áratuga reynslu og þekkingu á sviði alhliða viðskiptalausna.

Wise er fjölskylduvænn, lifandi og skemmtilegur vinnustaður þar sem leitast er við að auka fjölbreytileika í ráðningum. Við leggjum áherslu á hvetjandi starfsumhverfi með markvissri fræðslu og þjálfun, að starfsfólki líði vel í vinnunni og að starfsandi sé eins og best verður á kosið. Jafnframt er boðið upp á samgöngu- og íþróttastyrk til starfsmanna.

Fyrirtækið býður upp á samkeppnishæf laun og hlaut jafnlaunavottun 2021 og viðurkenningu FKA Jafnvægisvogarinnar 2022.