Bakendaforritari

Okkur vantar öflugan bakendaforritara í teymið!

Við leitum að hæfileikaríkum bakendaforritara sem brennur fyrir að skapa traustan og notendavænan hugbúnað. Við bjóðum upp á lifandi, skemmtilegan og fjölskylduvænan vinnustað. RÚV hefur innleitt fjarvinnustefnu og býður upp á sveigjanlegan vinnutíma og spennandi verkefni sem unnin eru í þéttu samstarfi við hagsmunaaðila. Leitað er að kraftmiklu fólki til að ganga til liðs við stækkandi teymi!

HUGBÚNAÐARÞRÓUN RÚV
Við erum framsækið teymi sem hefur frelsi til nýsköpunar og svigrúm til að prófa okkur áfram með nýja tækni. Við vinnum í Agile vinnuumhverfi og þróum meðal annars lausnir sem þúsundir landsmanna nota á degi hverjum. Það er gaman í vinnunni hjá okkur og við leitum að liðsauka til að vinna með okkur!

Í HVERJU FELST STARFIÐ
– Nýsmíði og þróun fjölbreyttra hugbúnaðarlausna á borð við þjónustur, vefi, öpp og fleira.
– Taka þátt í að móta, hanna og þróa lausnir og líkön.

Í HVERJU VINNUM VIÐ
– Python
– Node.js
– GraphQL
– CI/CD, Gitlab
– .NET, SQL

EIGINLEIKAR SEM VIÐ LEITUM AÐ
– B.Sc. í tölvunarfræði, hugbúnaðarverkfræði, tengdu sviði eða sambærileg reynsla.
– Fagleg vinnubrögð, metnaður til að læra, samskiptahæfni og vilji til að miðla reynslu.
– Drifkraftur, sveigjanleiki og áhugi á að prófa nýja tækni.
– Reynsla eða þekking á Agile-hugmyndafræði og teymisvinnu.
– Sjálfstæð vinnubrögð, frumkvæði og jákvæðni.