SUMARSTARF VIÐ VEFSÍÐUGERÐ

SUMARSTARF VIÐ VEFSÍÐUGERÐ – Í framhaldi af því er möguleiki á hlutastarfi með námi. Óskum eftir að ráða kraftmikinn og metnaðarfullan einstakling sem hefur brennandi áhuga á vefsíðugerð. Ef þú vilt starfa á líflegum vinnustað og vera hluti af þróun á frumkvöðla lausn sem stefnt er með á erlenda markaði þá gæti þetta verið starfið fyrir þig.

STARFSSVIÐ – Vefsíðugerð á enskri síðu fyrirtæksins, meðhönnun útlits síðu og textasmíði.

HÆFNISKRÖFUR – Þekking og reynsla af vefsíðugerð (HTML og CSS) – Þekking og reynsla af vefsíðugerðarforritum s.s. Squarespace, WordPress eða öðru CMS er kostur. Vera lausnarmiðaður og hafa frumkvæði og skipulögð vinnubrögð. Mikil færni í ritaðri ensku. Jákvæðni og hæfni í mannlegum samskiptum.

Starfið hentar vel tölvunarfræðinema eða öðrum háskólanemum sem hafa reynslu og þekkingu til vefsíðugerðar. Í framhaldi af sumarstarfinu í vefsíðugerð er möguleiki á hlutastarfi með námi næsta vetur við frekari vefsíðugerð sem og annarra starfa hjá fyrirtækinu s.s. í forritun og fleira.

AÐRAR UPPLÝSINGAR – CEO HUXUN er frumkvöðlafyrirtæki staðsett í Innovation House Eiðistorgi. Fyrirtækið framleiðir hugbúnaðinn HR Monitor sem nú þegar hefur þúsundir notenda og er nýtt af tugum íslenskra fyrirtækja. Félagið er í eigu stofnenda og fjárfestingarfélags og hefur verið styrkt af Tækniþróunarsjóði og fleirum til frekari tækniþróunar og sóknar á erlenda markaði. Ef þú leitar að spennandi verkefnum í frumkvöðlageiranum, tækifæri til að þróa vöru sem stefnt er með á erlenda markaði, vilt vinna í góðu vinnuumhverfi og með hressum vinnufélögum, þá finnurðu það hjá okkur.