Hugbúnaðarsérfræðingur

Hugfimi leitar að hugbúnaðarsérfræðingi til vinnu á starfsstöðvar fyrirtækisins í Kópavogi eða á Akureyri.

Hugfimi býður upp á þjónustu á sviði gagnavinnslu, gagnatengingar og gagnaframsetningar. Félagið selur og þróar EYK hugbúnaðinn sem er veflægt gagnavinnslukerfi sem býður upp á miðlægt aðgengi að gagnasöfnum fyrirtækja með sérsniðinni framsetningu. Hugfimi er dótturfélag Mannvits sem er leiðandi fyrirtæki á sviði tæknilegrar ráðgjafar og nýsköpunar.

Verkefni starfsmanna Hugfimi eru fjölbreytt, sem dæmi má nefna uppsetningu vefþjóna, þróun API endapunkta og hönnun viðmóta. Félagið býður upp á sveigjanlegan vinnutíma, möguleika á að vaxa í starfi og tækifæri til að taka þátt í stefnumótun og vöruþróun.

Menntunarkröfur

• Háskólamenntun á sviði tölvunarfræði eða hugbúnaðarverkfræði.

Hæfnikröfur

• Þekking og reynsla af notkun Javascript, CSS, HTML, Git og Unix skipanalínu.
• Þekking á React og Redux er kostur.
• Þekking á Django (Python), PostgreSQL, Rabbit MQ, CentOS, eða Ansible er kostur.