AV Researcher

Cyren Iceland hf 13. Nóv. 2017 Fullt starf

CYREN ICELAND HF ÓSKAR EFTIR AÐ RÁÐA TÖLVUNARFRÆÐINGA/STÆRÐFRÆÐINGA Í ÞRÓUNARDEILD FYRIRTÆKSINS.

Við leitum að sjálfstæðum og árangursdrifnum einstaklingum til að ganga til liðs við þróunardeild okkar í vírusvörnum. Umsókn ásamt ferilskrá skal senda á netfangið starf@CYREN.com fyrir 27. nóvember merktar AV Researcher.

AV RESEARCHER Viðkomandi starfar í teymi vírusrannsakenda og greinir keyrsluskrár, skriftur og forrit ásamt því að uppfæra reglur í gagnaskrám vírusvarnarforrits. Starfið krefst mikilla samskipta við aðra starfsmenn fyrirtæksins víða um heim.

MENNTUNAR- OG HÆFNISKRÖFUR:  Háskólagráða í tölvunarfræði, stærðfræði eða öðrum raungreinum  Forritunarkunnátta  Þekking á Windows og/eða Linux. Þekking á Python, Android og Perl kostur  Gaman af því að takast á við krefjand verkefni  Enskukunnátta og færni í mannlegum samskiptum  Frumkvæði, forvitni og lausnamiðuð hugsun

UM CYREN CYREN er alþjóðlegt hugbúnaðarfyrirtæki sem þróar vírusleitartækni, ruslpóstsíur og veföryggislausnir. CYREN byggir tækni sína á einkaleyfisvernduðum aðferðum sem hafa verið þróaðar innan fyrirtækisins og á gríðarmiklum gagnagrunni færslna, sem er einstakur í iðnaðinum. Framúrskarandi leitartækni CYREN veitir samstarfsaðilum skýrt samkeppnisforskot í þeirri öru þróun sem á sér stað í upplýsingatækni. Framtíðarmarkmið CYREN er að fyrirtækið verði leiðandi á sviði tölvuöryggis og bjóði framúrskarandi öryggislausnir fyrir viðskiptavini og samstarfsaðila.

CYREN var stofnað árið 1991 og skrifstofur fyrirtækisins eru staðsettar í Bandaríkjunum, Evrópu, Mið-Austurlöndum og Asíu. Hjá fyrirtækinu starfa um 250 manns og af þeim eru 32 staðsettir á Íslandi. Á Íslandi er fyrst og fremst unnið að þróun vírusleitartækni. Hjá fyrirtækinu er mjög sérhæfð starfsemi sem býður upp á margvísleg tækifæri fyrir fólk með menntun í raungreinum. CYREN Iceland hf er með öflugt félagslíf og skemmtilegan starfsanda. Spennandi tímar eru framundan hjá fyrirtækinu og við getum boðið hugbúnaðarstörf sem eru einstök á Íslandi. Fyrirtækið flutti í fyrra í nýtt húsnæði að Dalshrauni 3 í Hafnarfirði.


Sækja um starf
Upplýsingar fyrir umsækjendur